Diogelwch ar y Mynydd

Cyngor ar Ddiogelwch

Rydym i gyd eisiau mwynhau'r Wyddfa (a mynyddoedd eraill) yn ddiogel gan barchu pobl eraill ac amgylchedd y mynyddoedd.

Trwy ddilyn y camau syml hyn, gallwch hefyd sicrhau eich bod yn cynllunio anturiaethau mynydd yn y dyfodol yn gyfrifol:

Gwnewch gynllun cyn i chi adael eich cartref: Sut fyddwch chi'n teithio i'r Wyddfa? Ble i barcio os ydych chi'n gyrru? Pa lwybr sy’n addas i'w ddilyn ar gyfer eich grŵp? A fydd yn rhaid i chi drefnu llety dros nos? Edrychwch ar ein Llwybrau i’r Copa i gychwyn
Cynlluniwch lwybr addas: Pa mor hir fydd y daith gerdded yn cymryd? A fydd yn addas i bawb sy'n cymryd rhan? Oes gennych chi ddigon o brofiad i ddilyn y llwybr hwn? Sut bydd y tywydd a ragwelir yn effeithio arnoch chi? Faint o'r gloch y bydd angen i chi gychwyn a dychwelyd?
Edrychwch ar ragolygon tywydd mynydd addas ar gyfer eich ardal ddewisol — er enghraifft Mountain Weather Information Service - Snowdonia National Park
Darganfyddwch pa cyfarpar ac offer sydd eu hangen arnoch a phaciwch yn ôl y rhagolygon tywydd yn uwch i fyny'r mynydd (bydd hi YN oerach i fyny yno!)
Ydych chi'n gwybod sut i ddarllen map neu ddefnyddio cwmpawd? Sut fyddwch chi'n gwybod ble rydych chi'n mynd ar y mynydd? Cynyddwch eich gwybodaeth a'ch sgiliau os oes angen. Siaradwch â busnesau lleol ac ati cyn cychwyn, mae llawer o wybodaeth y gallwch ei chael gan eraill yn lleol - edrychwch ar ein fersiwn syml o Map a Chanllaw yr Wyddfa
Ewch â digon o fwyd a byrbrydau, diodydd sudd, dŵr, diodydd poeth mewn fflasg (tywydd oerach) i'ch cynnal drwy'r dydd. Cofiwch eli haul/het haul os yw'n heulog ac yn boeth
Dywedwch wrth rywun ble rydych chi'n mynd: rhowch gynllun llwybr a manylion cyswllt iddynt
Mae cael ffôn symudol (wedi’i wefru) yn ffordd dda o ddiweddaru eraill yn unol â hynny (ond peidiwch â dibynnu ar gael derbyniad cyson mewn ardaloedd mynyddig)
Peidiwch â bod ofn newid cynlluniau mewn tywydd gwael neu droi yn ôl os yw'n mynd yn ormod - weithiau mae 'cario ymlaen' yn cynyddu'r risg
Byddwch yn ymwybodol o'ch grŵp cyfan a sut mae pawb yn ymdopi â'r trip — ydy pawb yn hapus ac yn dal i sgwrsio?!
Peidiwch â dibynnu ar Reilffordd yr Wyddfa i fod mewn gwasanaeth ac i allu mynd â chi i lawr y mynydd os ydych wedi blino. Siaradwch â nhw'n uniongyrchol am archebu tocynnau Dwyffordd neu Unffordd i Fyny - ond ni allwch 'gerdded i fyny a dal y trên i lawr'. NID yw Canolfan Ymwelwyr a gorsaf y copa ar agor drwy gydol y flwyddyn, nac mewn tywydd gwael
Edrychwch ar Adventure Smart Wales i gael rhagor o awgrymiadau a syniadau am gynllunio diwrnodau difyr o weithgareddau yng Nghymru

Rhagolygon Tywydd

www.metoffice.gov.uk

Yn ystod y dyddiau olaf cyn eich diwrnod gyda Climb Snowdon, cadwch olwg ar y rhagolygon tywydd yma i gael y wybodaeth ddiweddaraf am y tywydd ar y mynydd ei hun.

Bydd y rhagolwg penodol hwn yn dweud wrthych sut beth fydd y gwelededd (gan gynnwys a welwch olygfa o'r copa?) a beth fydd y tymheredd ar ben y mynydd.

Tîm Achub Mynydd Llanberis

www.llanberismountainrescue.co.uk/cymraeg

Mae mynydd prysuraf y DU hefyd yn cadw Tîm Achub Mynydd Llanberis yn brysur iawn, gyda bron i 200 o alwadau bob blwyddyn.

Ar ddydd Sadwrn prysur weithiau gall y tîm dderbyn 3 neu 4 galwad mewn un diwrnod - ac fel arfer i gyd ar ôl 4pm yn y prynhawn - gan fod pobl yn blino ac yn mynd i lawr y mynydd.

Cyngor i grwpiau heb gydymaith

Ein nod yw cynnig cyngor a gwasanaeth proffesiynol i’r bobl hynny sy’n chwilio am gefnogaeth ac arweiniad ar gyfer dringo’r Wyddfa – boed yn unigolion, yn deuluoedd neu’n grwpiau bach a mawr.

Rydym yn deall efallai nad yw hwn yn wasanaeth y mae pawb yn chwilio amdano neu ei angen. Ond, yn arbennig ar gyfer y rhai sydd am drefnu teithiau cerdded ‘grŵp’ neu ‘godi arian’ ar y mynydd, rydym yn cynnig y cyngor canlynol - a chymerwch sylw o’r wybodaeth Diogelwch Mynydd ar y dudalen hon:

Dilynwch ganllawiau arfer da Parc Cenedlaethol Eryri ar gyfer teithiau cerdded a drefnir ar y mynydd
Ystyriwch a ddylai eich digwyddiad ystyried canllawiau'r Sefydliad Codi Arian ar gyfer digwyddiadau codi arian elusennol a drefnir
Ystyriwch hefyd y cwrteisi o roi gwybod i Dîm Achub Mynydd Llanberis am unrhyw ddigwyddiadau mawr sy'n digwydd ar y mynydd ar ddiwrnod penodol. Nid yw hyn mewn unrhyw ffordd yn golygu y bydd gan y tîm unrhyw ymwneud ychwanegol ar y diwrnod - ond weithiau mae'n dda i'r tîm gael syniad cyffredinol am ba mor brysur fydd y mynydd ar unrhyw ddiwrnod penodol.

#BeAdventureSmart

Gwnewch eich diwrnod da yn well

Rydyn ni'n gobeithio y byddwch yn dod ac yn mwynhau cefn gwlad hardd ac eiconig Cymru. Treuliwch ychydig o amser yn cynllunio’ch diwrnod er mwyn helpu i sicrhau y byddwch yn ddiogel a chyfforddus.